2023 yildagi ilk xorijiy safar: Putin Bishkekka bordi
U ertaga MDH davlatlari rahbarlari bilan uchrashadi.
Vladimir Putin Qirg‘iziston poytaxti Bishkek shahriga bordi. Bu Rossiya rahbarining joriy yildagi ilk xorijiy safari bo‘lib, u Mustaqil Davlatlar Hamdo‘stligi davlatlari rahbarlari bilan uchrashadi.
12-oktabr kuni erta tongda Vladimir Putinning samolyoti Bishkek aeroportiga qo‘ndi. Rossiya rahbarini Vazirlar Mahkamasi rahbari Oqilbek Japarov kutib oldi.
Rasmiy tashrif doirasida Rossiya prezidenti Sadir Japarov bilan muzokaralar olib boradi, shuningdek, MDH sammitida ishtirok etadi.
Davlat rahbarlarining Kant shahrida KXSHT aviabazasi ochilganining 20 yilligiga bag‘ishlangan tantanali tadbirda ishtirok etishi rejalashtirilgan.
Eslatib o‘tamiz, Bishkekda o‘tkazilishi rejalashtilayotgan MDH rahbarlari kengashining navbatdagi majlisida Shavkat Mirziyoyev ham ishtirok etadi.
