13 mingdan ziyod o‘zbekistonlik AQShga noqonuniy kirishga uringan
O‘zbekistonliklar dunyoda AQSH chegarasini noqonuniy kesib o‘tish bo‘yicha uchinchi o‘rinda qayd etilgan.
AQSHda o‘tgan ikki yil davomida chegarani noqonuniy buzib kirmoqchi bo‘lgan O‘zbekiston fuqarolarining soni 13 mingdan oshgan.
Ma’lumot berilishicha, 2021-yil oktabrdan 2023-yil oktabrigacha AQSHga 10 minglab odamlar chegarani noqonuniy buzib, kirishga uringan. AQSHning Milliy xavfsizlik departamenti terrorchi va jinoyatchilar ushbu mamlakatga kirish uchun turli yo‘llarni izlab topishlari va bu mamlakat xavfsizligiga tahdid qilishidan xavotirdaligini bildirgan. Maxsus kuchlar terrorchilikda gumonlangan ikki nafar Livan fuqarosini qo‘lga olish jarayonida "minglab maxsus manfaatdor chet elliklar"ga duch kelgan.
Qayd etilishicha, noqonuniy ravishda Meksika orqali AQSHga kirishga uringan eng ko‘p aholi Turkiya fuqarolari bo‘lib, ularning soni 30 380 nafarni tashkil qiladi. Shuningdek, quyidagi davlat fuqarolari ham yetakchi o‘rinlarda:
Mavritaniya – 15 594
O‘zbekiston – 13 624
Afg‘oniston – 6386
Pokiston – 1623
Livan –164
Iordaniya – 185
Yaman – 139
Iroq – 123
Ushbu raqamlarga mamlakat hududiga kirishga muvaffaq bo‘lgan va portlardan o‘tib ketganlar kiritilmagan. Manbalarga ko‘ra, Bayden boshqaruvi davrida AQSHga 1,5 milliondan ortiq "qochqin" kirishga muvaffaq bo‘lgan.
