Falastin rahbari Bayden bilan uchrashuvni bekor qildi
Iordaniya ham AQSH prezidenti ishtirokidagi sammitda qatnashmaydi.
Falastin ma’muriyati rahbari Mahmud Abbos Gʻazodagi shifoxonaga raketa hujumidan so‘ng AQSH prezidenti Jo Bayden bilan rejalashtirilgan uchrashuvni bekor qildi.
Qayd etilishicha, Abbos poytaxt Ramallohga qaytib, Falastin rahbariyatini zudlik bilan yig‘ilishga chaqirgan.
Shuningdek, Iordaniya AQSH prezidenti Jo Bayden ishtirokida 18 oktabr kuni o‘tkazilishi rejalashtirilgan sammitni bekor qildi.
Iordaniya Tashqi ishlar vazirligi bayonotidan so‘ng Oq uy Baydenning bu mamlakatga tashrifi bekor qilinganini e’lon qilgan.
Xabaringiz bor, Bayden bugun, 18 oktabr kuni Isroilga tashrif buyurishi rejalashtirilgan. Shu kuni u Iordaniya mezbonlik qilishni rejalashtirayotgan sammitda ishtirok etishi kerak edi.
