G‘azo sektoriga gumanitar yordam olib kelindi
Yuk Qizil yarim oy jamiyati tomonidan yetkazilgan.
24 ta yuk mashinasi Rafah nazorat punkti orqali G‘azo sektoriga kirdi. Ular Qizil yarim oy jamiyatining Misr bo‘limidan insonparvarlik yordamini olib kelishgan.
Yuk mashinalarida asosan dori-darmon va oziq-ovqat mahsulotlari, shuningdek, suv, chodirlar va shaxsiy gigiyena vositalari mavjud. Oxirgi ikki hafta ichida gumanitar yordam olib ketayotgan yuzga yaqin yuk mashinasi Rafah orqali anklavga kirib kelgan. Biroq, bu yetarli emas.
Ayni paytda Isroil G‘azodagi harbiy amaliyotini kengaytirmoqda. Bu haqda mamlakat mudofaa armiyasining rasmiy vakili maʼlum qildi. Hozir G‘azo sektori bilan chegaraga katta miqdordagi harbiy texnikani kiritilmoqda va barcha OAV vakillaridan anklavning shimoliy hududlarini tark etish so‘ralgan.
