Xonasida qimor o‘ynagan uchko‘priklik mansabdorlarga sud hukmi o‘qildi
Avvalroq ular bilan tuzilgan mehnat shartnomasi bekor qilingandi.
Кarta o‘ynagani sabab ommaga tanilgan Farg‘ona viloyatining Uchko‘prik tumani Moliya bo‘limi boshlig‘i va hokim yordamchilariga sud hukmi o‘qildi.
Avvalroq, mazkur uch nafar xodimlarning xizmat xonasida qarta o‘ynab o‘tirgani aks etgan surat tarqalgandi. Jamoatchilik tanqididan so‘ng, ular bilan tuzilgan mehnat shartnomasi bekor bo‘lgani maʼlum qilingandi.
Maʼlum bo‘lishicha, 26-oktabr kuni kuni jinoyat ishlari bo‘yicha Uchko‘prik tuman sudi ochiq sud majlisida mazkur ish ko‘rib chiqilgan.
Sud hukmiga ko‘ra, MJtKning 191-moddasi 1-qismi bilan Uchko‘prik tuman kambag‘allikni qisqartirish va bandlikka ko‘maklashish bo‘limi boshqaruvchisi d.d., Uchko‘prik tumani Moliya bo‘limi boshqaruvchisi S.R. va Uchko‘prik tuman Oqsuv MFY hokim yordamchisiga nisbatan BHMning 3 baravari (990 ming so‘m) jarima jazosi tayinlangan.
