Turkiya Shvetsiyaning NATOga kirishiga shoshilmayapti
Parlament protokolni ko'rib chiqishni tezlashtirmasligini bildirdi.
Turkiya parlamenti Shvetsiyaning NATOga kirishi haqidagi protokolni ko‘rib chiqish tartibini tezlashtirish niyatida emas. Bu haqda Tashqi ishlar komissiyasi rahbari Fuat O‘qtoy ma’lum qildi.
O‘qtoyning so‘zlariga ko‘ra, Shvetsiyaning NATOga a’zoligi haqidagi protokol boshqa barcha hujjatlat bilan bir xil, shuning uchun uni ko‘rib chiqish komissiya tartibiga muvofiq amalga oshiriladi.
“Tegishli delegatsiyalar bu juda shoshilinch deyishsa ham, siz uchun zarur bo‘lgan narsa biz uchun, komissiyamiz yoki parlamentimiz uchun shoshilinch bo‘lishi shart emas. Parlament buni kun tartibiga muvofiq amalga oshiradi”, — deb tushuntirdi deputat.
Avvalroq OAV Turkiya Shvetsiyaning NATOga kirishini 2024 yilgacha kechiktirishga tayyorlanayotgani haqida yozgan edi.
