Sirdaryoda kadastr agentligi xodimi pora bilan ushlandi
Hozirda unga nisbatan jinoiy ish qo‘zg‘atilgan.
Sirdaryo viloyati va Toshkent shahrida savdo do‘koni olib berish bilan bog‘liq firibgarlik holatlari fosh etildi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Toshkent shahrida “B.B.” ixtisoslashgan savdo kompleksi MCHJ direktori o‘rinbosari F.K. fuqaro S.K.ga MCHJ balansida yangi qurilgan yengil konstruksiyali savdo do‘konini tanishlari yordamida olib berishi evaziga 20 000 AQSH dollarini olgan vaqtida ashyoviy dalillar bilan ushlangan.
Kadastr agentligining Sirdaryo viloyati Oqoltin tuman bo‘limi boshlig‘i S.R. tadbirkor D.T.ning yengil tipdagi savdo do‘konining kadastr hujjatlarini tanishlari yordamida 1 200 AQSH dollari evaziga rasmiylashtirib berishini aytib, shundan 500 AQSH dollari va 1,2 mln so‘mni olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
