"Bunday yirik mag‘lubiyat faoliyatimda birinchisi"
Mirjalol Qosimov kechagi 9:0 hisobidagi mag'lubiyatga izoh berdi.
OKMK bosh murabbiyi Mirjalol Qosimov OCHL 4-turidan o‘rin olgan "Sipohon"ga (0:9) qarshi o‘yindan keyin o‘z fikrlarini bildirdi.
"Raqibni haqli ravishda g‘alabaga erishgani bilan tabriklayman. O‘ziga yarasha muammolarimiz yetarli edi va bu narsa bugungi o‘yinda yaqqol ko‘rindi. Qolaversa, futbolchimizning (Akrom Komilov) chetlatilishi ham o‘yinga o‘z ta’sirini ko‘rsatdi. To‘g‘risini aytadigan bo‘lsam, o‘zim ham nimaga bunday bo‘lganini tushunmay qoldim. Ikkinchi bo‘limda o‘tkazib yuborgan golimiz qaysidur ma’noda o‘z so‘zini aytdi va ketma-ket "rikoshet" gollar o‘yin tizginini butunlay o‘zgartirib yubordi. Bu futbolda uchrab turadi. Bunday yomon natija faoliyatimdagi birinchisi.
Eslatib o'tamiz, Olmaliq jamoasi 4 ta turda ham ochko to‘play olmadi va muddatidan avval guruhda so‘nggi o‘rinni egallashi ma’lum bo‘ldi.
