Trampning reytingi Baydennikidan yuqorilab ketdi
47 foiz amerikalik saylovda Donald Trampga ovoz berishga tayyor.
O‘tkazilgan so‘rovnoma ishtirokchilarining 47 foizi prezidentlik saylovida Donald Trampga ovoz berishga tayyor, 43 foizi esa amaldagi prezident Jo Baydenni qo‘llab-quvvatlaydi. Bo‘lajak prezidentlik sayloviga boshqa nomzodlar ham qo‘shilsa, bu farq yana-da kengayadi — 37 foizga nisbatan 31 foiz.
Boshqa potensial nomzodlardan eng mashhuri, sobiq demokrat kichik Robert Kennedi esa mazkur so‘rovnomada 8 foiz ovoz to‘plagan.
So‘rovnomada qatnashganlarning 23 foizi amaldagi prezident siyosati o‘z hayotida ijobiy o‘zgarishlarga sabab bo‘lganini aytgan. Shu bilan birga, 53 foizi ishtirokchi Baydenning siyosati hayotiga salbiy taʼsir ko‘rsatgan deb hisoblaydi. Tramp uchun bu ko‘rsatkichlar mos ravishda 49 foizga 37 foizni tashkil qilgan.
Tramp Bayden bilan ilk marta The Wall Street Journal nashrining saylovoldi so‘rovnomasida to‘qnash keldi. Ushbu so‘rovnoma 29 noyabrdan 4 dekabrgacha bo‘lgan vaqt oralig‘ida onlayn va offlayn ko‘rinishda o‘tkazildi. Unda 1500 kishi ishtirok etdi.
Maʼlumot uchun, AQSHda navbatdagi prezidentlik saylovi 2024 yilning noyabr oyida bo‘lib o‘tadi.
