Yevrokomissiya G‘arbiy Bolqon mamlakatlariga qo‘shimcha sarmoya kiritmoqchi

 

G‘arbiy Bolqon Yevropa Ittifoqida YIning kengayish siyosati qamrab olgan Janubiy va Sharqiy Yevropaning oltita davlatiga: Albaniya, Bosniya va Gersegovina, Chernogoriya, Kosovo Respublikasi, Shimoliy Makedoniya va Serbiyaga nisbatan qo‘llaniladigan atamadir.

 

Sammitdan so‘ng Yevropa komissiyasi o‘zining iqtisodiy va sarmoyaviy rejasi doirasida G‘arbiy Bolqon uchun 680 million yevrolik qo‘shimcha sarmoya paketini eʼlon qildi.

 

Mintaqada investitsiyalar temir yo‘l transporti tarmog‘i va qayta tiklanadigan energiya manbalariga yo‘naltirilishi rejalashtirilgan.

 

Bryusselning taʼkidlashicha, bu Yevropa Ittifoqining G‘arbiy Bolqon uchun iqtisodiy va sarmoyaviy rejasi doirasidagi oltinchi moliyaviy paket bo‘lib, 16,6 milliard yevrolik sarmoya jalb etishi kutilmoqda.

 

Loyihalar G‘arbiy Bolqon hamkorlari va xalqaro moliya institutlari bilan yaqin hamkorlikda tayyorlangan.

 

Yevrokomissiya rahbari Ursula fon der Lyayen bunday dedi:

 

"Borgan sari parchalanib borayotgan dunyoda bizga yana-da kuchliroq va yaxlit qadriyatlar hamjamiyatiga muhtojmiz. Bunga erishishning kaliti kengayishdir. Biz qo‘shilish yo‘lida birgalikda ishlashda davom etar ekanmiz, G‘arbiy Bolqonni iqtisodiyotimizga yaqinlashtirish uchun qatʼiy choralar ko‘rishimiz kerak. 680 million yevrolik loyihalarni maʼqullash orqali biz transport aloqalarini yaxshilash va qayta tiklanadigan energiyadan foydalanish orqali yashil, yaxshi bog‘langan kelajak sari umumiy sayohatimizni tezlashtirmoqdamiz. Biz birgalikda barqaror o‘sish va yaqinroq integratsiya uchun poydevor yaratmoqdamiz, mintaqa ravnaqi va uning YIga aʼzolik yo‘lidagi qatʼiy sodiqligimizni yana-da namoyish etmoqdamiz."

 

Bundan tashqari, Yevropa Ittifoqi va G‘arbiy Bolqon mamlakatlari sammit yakunlari bo‘yicha qo‘shma deklaratsiya qabul qildi.