Shavkat Mirziyoyev Qozog‘iston prezidentiga tabrik yo‘lladi
Qozog'istonda mustaqillik bayrami nishonlanmoqda.
O‘zbekiston Prezidenti Shavkat Mirziyoyev bugun, 16 dekabr kuni Qozog‘iston prezidenti Qosim-Jomart To‘qayevga mamlakat mustaqilligi kuni munosabati bilan tabrik telegrammasi yo‘lladi.
"O‘tgan davr mobaynida do‘st Qozog‘iston Respublikasi turli sohalarda ulkan o‘zgarishlar va tub islohotlarni boshidan kechirganini, mamlakatingizning xalqaro maydondagi hurmati va nufuzi tobora ortib borayotganini alohida taʼkidlamoqchiman", - deyiladi tabrik telegrammasida.
Qolgan Markaziy Osiyo davlatlari rahbarlari ham To‘qayevga tabrik yo‘llagan. Xususan, Qirg‘iziston Prezidenti Sadir Japarov Yangi Qozog‘istonni barpo etish bo‘yicha olib borilayotgan ishlar jamiyat tomonidan yuqori baholanishiga ishonch bildirgan. Tojikiston Prezidenti Emomali Rahmon qardosh qozoq xalqiga tinchlik, farovonlik va yana-da taraqqiyot tilagan. Turkmaniston Prezidenti Serdar Berdimuhamedov Qozog‘iston va Turkmaniston xalqlarini ko‘p asrlik do‘stlik va yaxshi qo‘shnichilik rishtalari bog‘lab turishini taʼkidlagan.
