Toshkent havosining iflosligi bo‘yicha 4-o‘ringa chiqdi
Reytingda 1-o‘rinni Bangladeshning Dakka shahri egallagan.
Toshkent havoning ifloslanish darajasi bo‘yicha 22-dekabr 9:36 da dunyoning yirik shaharlari orasida 4-o‘ringa chiqdi.
Qayd etilishicha, soat 09:00 atrofida Toshkent havosida mayda PM-2,5 dispers zarralarining konsentratsiyasi 262 mkg/m3 ni tashkil etgan – bu “juda zararli” tasnifdagi ko‘rsatkich hisoblanadi.
Reytingda 1-o‘rinni Bangladeshning Dakka shahri egallagan — PM-2,5 dispers zarralarining konsentratsiyasi 349 mkg/m3. Hindistonning Dehli shahri 2-pog‘onada — 336 mkg/m3. Uchlikka Pokistonning Lahor shahri yakun yasadi — 266 mkg/m3.
AQSHning O‘zbekistondagi elchixonasi joylashgan Yunusobod tumanida havodagi dispers zarralarning konsentratsiyasi 335 mkg/m3 ga chiqqanini ko‘rish mumkin — bu “xavfli” toifa hisoblanadi.
