Yangi yil tadbirlari o‘tadigan hududlarda avtoturargoh tashkil etildi
Xavfsizlikni taʼminlashga 2 mingdan ortiq xodim jalb qilinadi.
“Prezident archasi” hamda “Yangi yil bayrami” tadbirlari o‘tkaziladigan joylarda harakat xavfsizligini taʼminlashga 2 ming 325 nafar yo‘l harakati xavfsizligi xizmati xodimi safarbar etilgan bo‘lib, bayram tadbirlari o‘tkaziladigan joylardan 150 metr uzoqlikda 282 avtoturargoh tashkil etildi.
Bundan tashqari, tadbir o‘tkaziladigan joylarda yo‘l harakati xavfsizligini taʼminlash maqsadida 177 ko‘chani jismoniy yopish uchun jami 851 ta “Bdo-5” beton va temir to‘siqlar yordamida transport vositalarining harakati cheklandi. Obyektlarga olib keluvchi yo‘llarga qo‘shimcha yo‘l belgilari o‘rnatildi.
Aholi gavjum bo‘ladigan tungi ko‘ngilochar joylar atrofida transportni yetkazib berish xizmatlari tashkil etildi.
