Suyuqlik tarkibida kuchli taʼsir qiluvchi modda borligi aniqlandi
Bu haqda Toshkent viloyati bojxona boshqarmasi maʼlum qildi.
Toshkent viloyati bojxona boshqarmasi xodimlari tomonidan Kontrabandaga qarshi kurashish bo‘limi xodimlari hamda DXX chegara qo‘shinlarning tezkor xodimlari bilan hamkorlikda, yurtimizga o‘tish uchun “G‘ishtko‘prik” chegara bojxona postiga kirib kelgan ikki nafar fuqaro qo‘l sumkalari bojxona nazoratidan o‘tkazildi. Tekshiruvlar davomida og‘zaki so‘rovda maʼlum qilinmagan va yo‘lovchi bojxona deklaratsiyasida yozib ko‘rsatilmagan, 2 dona “AVIZOR AQUA soft”, 1 dona “AYSBERG ANTIFREEZE” hamda 1 dona “NAFAZOLIN-DF” nomli yelim idishlarda rangsiz suyuqlik borligi aniqlandi.
O‘tkazilgan ekspertiza natijalariga ko‘ra, 4 dona yelim idishlarda bo‘lgan rangsiz suyuqlik tarkibida jami 501 ml. “Tropikamid” kuchli taʼsir qiluvchi moddasi borligi maʼlum bo‘ldi.
Hozirda yuqoridagi holat yuzasidan dastlabki tergov harakatlari olib borilmoqda.
