Samarqandda 41 ta jarimasi bor Equinox topildi
Topilgan avtotransport vositasi belgilangan tartibda jarima maydoniga joylashtirildi.

Majburiy ijro byurosi Samarqand viloyati boshqarmasi tomonidan ijro hujjatlari ijrosini taʼminlash, shuningdek, qidiruvdagi mol-mulklarni aniqlash yuzasidan tizimli chora-tadbirlar amalga oshirilmoqda.
Navbatdagi qidiruv tadbirlari davomida 41 ta ijro hujjati asosida qidiruv eʼlon qilingan, “Equinox” rusumli avtotransport vositasi aniqlandi.
Topilgan avtotransport vositasi belgilangan tartibda jarima maydoniga joylashtirildi.
Ayni vaqtda ijro hujjatlari talablarini taʼminlash maqsadida qonunchilikda belgilangan ijro harakatlari davom ettirilmoqda.
Qayd etish joizki, qidiruvdagi mol-mulklarni aniqlash va sud hujjatlari ijrosini taʼminlash borasidagi chora-tadbirlar izchil davom ettirilmoqda.







