Buxoroda ishchi o‘zini otib qo‘ydi
U Talabalar turar joyi qozonxonasida ishlagan.
Buxoro Davlat universiteti Talabalar turar joyi qozonxonasi ishchisi o‘zini otib qo‘ydi va voqea joyida vafot etdi.
Holat joriy yilning 10 yanvar kuni soat 16:20 da Buxoro davlat universiteti Talabalar turar joyiga yaqin hududda sodir bo‘lgan.
Aniqlanishicha, universitet yotoqxonasiga qarashli qozonxona ishchisi, 33 yoshli fuqaro X.M. yotoqxonaga yaqin manzilda turgan o‘z avtomashinasiga o‘tirgan va yonida bo‘lgan pnevmatik qurolni qo‘liga olgan va ehtiyotsizligi sabab tana qismiga yaqin tutgan holda tepkini bosib yuborgan. Oqibatda uzining chap ko‘krak qismi jarohatlangan.
X.M. avtomashinasidan tushib, yotoqxonaning birinchi qavatida joylashgan tibbiyot punktiga birinchi yordam so‘rab borgan. Birinchi yordam ko‘rsatilgan, biroq qon yo‘qotishi oqibatida u vafot etgan.
Ayni paytda holat yuzasidan Buxoro shahar prokuraturasi tomonidan tergov-surishtiruv ishlari olib borilmoqda.
«Marhum fuqaro tomonidan pnevmatik qurolning qonuniy yoki noqonuniy saqlab kelingani holati ham o‘rganilmoqda», – deydi huquq-tartibot organi xodimi.
