G‘uzor tandir go‘shti patentlandi
Bunga qadar “G‘ijduvon shashlik”, “Zomin tandir go‘shti”, “Marg‘ilon adrasi” va “Qo‘qon pichoqlari” ham davlat ro‘yxatidan o‘tkazilgandi.
Joriy yilning 8 yanvar kuni “G‘uzor tandir go‘shti” geografik ko‘rsatkich sifatida O‘zbekiston Respublikasi Adliya vazirligi tomonidan davlat ro‘yxatidan o‘tkazildi.
Xabarda taʼkidlanishicha, “Geografik ko‘rsatkichlar to‘g‘risida”gi O‘zbekiston Respublikasi qonuniga ko‘ra tovarni muayyan geografik obyekt hududidan kelib chiqqan tovar sifatida identifikatsiyalovchi belgi geografik ko‘rsatkich deb eʼtirof etilib, unda tovarning sifati, nom qozonganligi yoki boshqa xususiyatlari uning geografik jihatdan kelib chiqishiga sezilarli darajada bog‘liq bo‘ladi.
O‘zbekiston Respublikasi Adliya vazirligi geografik ko‘rsatkichlarni huquqiy jihatdan muhofaza qilish sohasidagi vakolatli organ hisoblanadi.
Joriy yilning 8 yanvar kuni “G‘uzor tandir go‘shti” geografik ko‘rsatkich sifatida O‘zbekiston Respublikasi Adliya vazirligi tomonidan davlat ro‘yxatidan o‘tkazildi.
Qashqadaryo viloyatida birinchi bo‘lib davlat ro‘yxatidan o‘tkazilgan ushbu geografik ko‘rsatkichdan foydalanish huquqini tasdiqlovchi guvohnoma G‘uzor tuman hokimligiga viloyat adliya boshqarmasi tomonidan topshirildi.
