O'zbekiston

Milliy gvardiyaga kontrakt bo‘yicha harbiy xizmatga nomzodlarni saralash tartibi e’lon qilindi

Saralash tadbirlari bir qancha bosqichlarni o'z ichiga oladi.

Milliy gvardiyaga kontrakt bo‘yicha harbiy xizmatga nomzodlarni saralash tartibi e’lon qilindi

 

O‘zbekiston Milliy gvardiyasi organlariga kontrakt bo‘yicha harbiy xizmatga nomzodlarni saralash tartibi to‘g‘risidagi nizom loyihasi e’lon qilindi. Nizom Milliy gvardiya organlariga kontrakt bo‘yicha harbiy xizmatga nomzodlarni saralash tartibini belgilaydi.

 

Nomzodlarni kontrakt bo‘yicha harbiy xizmatga qabul qilish uchun saralash tadbirlari va tibbiy ko‘rik tashkil qilinadi.

 

Saralash tadbirlari quyidagi bosqichlarni o‘z ichiga oladi:

a) dastlabki o‘rganish (hujjatlarni yig‘ish va o‘rganish, jismoniy tayyorgarlik sinovi, diktant, suhbat);

b) jismoniy tayyorgarlik darajasini baholash;

v) psixologik o‘rganish (nomzodning intellektual rivojlanganlik darajasi va psixoemosional barqarorligini baholash);

g) maxsus tekshiruv.

 

Milliy gvardiya uchun zarur hollarda quyidagi nomzodlar istisno tariqasida faqatgina tibbiy ko‘rik va saralashning maxsus tekshiruv bosqichidan o‘tkaziladi:

  • yuksak kasbiy tayyorgarlik va faoliyatida katta tajribaga ega bo‘lgan, harbiy xizmatda bo‘lishning belgilangan yosh chegarasiga yetmagan fuqarolar, agar qonunchilikda boshqacha tartib nazarda tutilmagan bo‘lsa, prezident huzuridagi Xavfsizlik kengashi apparati bilan kelishilgan holda Milliy gvardiya qo‘mondoni buyrug‘i asosida;

 

  • so‘nggi besh yil davomida respublika miqyosidagi sport musobaqasining g‘olibi bo‘lgan yoki xalqaro miqyosdagi sport musobaqasining 1-3-o‘rinlaridan birini egallagan sportchilar;

 

  • tor ixtisoslikdagi yuqori malakali mutaxassislar;

 

  • oliy harbiy ta’lim muassasalarining boshqaruv, ilmiy va professor-o‘qituvchilar tarkibidagi lavozimlarni malakali mutaxassislar bilan to‘ldirish uchun ilmiy darajaga (ilmiy unvonga) hamda kamida besh yillik ilmiy va pedagogik ish tajribasiga ega bo‘lgan fuqarolar.

 

Nomzodlar “Umumiy harbiy majburiyat va harbiy xizmat to‘g‘risida”gi qonunda hamda prezident qarori bilan tasdiqlangan O‘zbekiston fuqarolarining harbiy xizmatni o‘tash tartibi to‘g‘risidagi nizomda belgilangan talablarga javob berishi lozim. Bunda, nomzod sifatida umumiy o‘rta yoki o‘rta maxsus (boshlang‘ich, o‘rta, o‘rta maxsus professional) yoxud oliy ma’lumotga ega bo‘lgan fuqarolar ko‘rib chiqiladi.

 

Kontrakt bo‘yicha harbiy xizmatga qabul qilishda nomzod bo‘yi quyidagi maxsus antropometrik parametrlarga javob berishi talab etiladi:

 

  • erkak jinsidagi nomzodning bo‘yi – 178 santimetrdan past bo‘lmasligi kerak;

  • ayol jinsidagi nomzodning bo‘yi – 170 santimetrdan past bo‘lmasligi kerak.

Nomzodning vazni O‘zbekiston qurolli kuchlarida tinchlik va urush davrida tibbiy ko‘rikdan o‘tkazishni tashkil etish va amalga oshirish tartibi to‘g‘risidagi nizomda belgilangan talablarga javob berishi shart.

 

Xorijiy korxonalar: Toshkent shahri va viloyati yetakchilik qilmoqda

Xorijiy korxonalar: Toshkent shahri va viloyati yetakchilik qilmoqda

2026-yil 1-oktyabr holatiga ko‘ra, O‘zbekistonda xorijiy investitsiyalar ishtirokidagi 22 mingdan ortiq korxona faoliyat yuritmoqda.

O‘zbekiston Prezidenti davlat tashrifi bilan O‘monda bo‘ladi

O‘zbekiston Prezidenti davlat tashrifi bilan O‘monda bo‘ladi

Masqat shahrida oliy darajadagi ikki tomonlama muzokaralar va boshqa tadbirlar bo‘lib o‘tadi.

Farg‘onada avtomobil velosipedchini urib yubordi: jabrlanuvchi shifoxonada vafot etdi

Farg‘onada avtomobil velosipedchini urib yubordi: jabrlanuvchi shifoxonada vafot etdi

Hozirda holat yuzasidan tergovga qadar tekshiruv harakatlari olib borilmoqda.

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

Joriy yilning dastlabki to‘qqiz oyida yirik korxonalar tomonidan ishlab chiqarilgan ichimliklar qiymati 25,5 trln so‘mni tashkil etdi.

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Holatlar yuzasidan jinoyat ishi qo‘zg‘atildi.

Toshkentda havo sifati: 15-noyabr tongida yaxshilanishi mumkin

Toshkentda havo sifati: 15-noyabr tongida yaxshilanishi mumkin

Hozirda atmosfera havosi sifati Maxsus komissiya tomonidan doimiy monitoring qilinmoqda.

Paxta xirmoni 5 mln tonnadan oshdi, ammo terim davom etmoqda — vazirlik

Paxta xirmoni 5 mln tonnadan oshdi, ammo terim davom etmoqda — vazirlik

Qishloq xo‘jaligi vazirligi dalalarda hali paxta borligi ushbu natijani shubha ostiga qo‘ymasligini ta’kidladi.

Bir o‘rindiq sababli mojaro: Toshkentda ikki erkak 3 sutkaga qamaldi

Bir o‘rindiq sababli mojaro: Toshkentda ikki erkak 3 sutkaga qamaldi

Metroda joy bermagani uchun yo‘lovchini haqorat qilgan va keyinchalik uning ortidan borgan erkaklarga jazo tayinlandi.