Qozog‘istondagi portlashda 40 yoshli o‘zbekistonlik ayol vafot etdi
Yana bir hamyurtimiz ahvoli og‘ir. U hozir jonlantirish bo‘limida.
Turkiston viloyatining Aris tumanidagi novvoyxonalardan birida portlash yuz berdi. Hodisa oqibatida o‘zbekistonlik ayol halok bo‘ldi. Yana bir odamning ahvoli og‘ir. U hozir jonlantirish bo‘limida, tanasining 25-30 foizi kuygan.
“O‘zbekistonning ikki fuqarosi og‘ir ahvolda shifoxonaga yetkazildi. 40 yoshli ayol tanasining 90 foizi kuyib vafot etdi”, — dedi Aris tuman shifoxonasi shifokor-jarrohi Talg‘at Tajimetov.
Hammasi bo‘lib novvoyxonada 5 ta gaz balloni mavjud bo‘lgan. O‘t o‘chiruvchilar yetib kelguniga qadar bitta ballon portlab ketgan.
Ulardan to‘rt nafari favqulodda vaziyatlar xizmati xodimlari tomonidan xavfsiz joyga olib ketilgan.
