Jo Baydenning iti Oq uydan haydaldi
U maxfiy xizmat xodimlarini bir yil davomida kamida 24 marta tishlab olgan.
AQSH prezidenti Jo Baydenning iti maxfiy xizmat agentlarini tishlab olavergach Oq uydan haydaldi. Bu haqda "The Telegraph" nashri xabar berdi.
"Komander" laqabli nemis ovcharkasi oktabr oyida prezident qarorgohidan ketishiga 1 yil davomida kamida 24 marta ishchi xodimlarni tishlab olgani sabab bo‘ldi.
Voqealardan biri Delaver shtatida prezidentning sohil bo‘yidagi uyida sodir bo‘lgan. "Komander" maxfiy xizmat agentining oyog‘ini tishlab olgan va ochiq shikastlar xodimning ko‘p qon yo‘qotishiga sabab bo‘lgan.
Ma’lumotlarga ko‘ra, 2022-yilda "Komander" Oq uyda 11 marta odamlarni tishlab olgan, jumladan noyabr oyida it bir ofitserning qo‘llari va sonidan tishlaganidan keyin u kasalxonaga yotqizilgan.
