Farg‘onada kuyov kelinni aldab, to‘y kuni qochib ketdi
U, shuningdek, kelinni ancha pulga chuv tushirgan.
Maʼlumotlarga ko‘ra, kelin-kuyov televizordagi reklama ortidan tanishib qoladi. Shundan so‘ng Toshkentda yashovchi kuyov Marg‘ilonga kelib, kelinni turli yo‘llar bilan aldab, undan pul undiradi.
D.Safarova uni izlab kelgan K.Shuhratovni ko‘rgach, go‘yoki "bir necha yildan buyon o‘zi kutgan insonni uchratgandek bo‘ladi". Yigitning barcha talablarini hech shubhalanmay bajaradi. Jumladan, K.Shuhratov unga uylanish maqsadida "uyini taʼmirlash uchun" pul so‘raganda, to‘plab yurgan barcha pullarini beradi. Yigit uni deb tayyor ishini tashlab kelganini aytadi, kelgusida taksichi bo‘lib ishlashi uchun mashina sotib olishga yordam so‘raganda, hech ikkilanmay ota-onasidan pul olib beradi.
K.Shuhratov D.Safarova to‘ygacha nikohdan o‘tib, yashab turish taklifini beradi. So‘ng, D.Safarova nikoh o‘qitib o‘z uyidan K.Shuhratovga joy beradi. Ro‘zg‘or xarajatlarini barchasini D.Safarovaning o‘zi ko‘taradi.
D.Safarovaning ota-onasi va aka-ukalari “kuyovdan” to‘y qilishni, nikohni el-yurtga oshkor qilishni so‘ray boshlaydi. K.Shuhratov Farg‘ona shahridagi to‘yxonada dabdabali to‘y qilishiga D.Safarova va uning yaqinlarini ishontirib, to‘y kunini belgilaydi. Hatto taklifnomalarni D.Safarovaning yaqinlariga tarqatib, hammani to‘yga taklif etadi.
Maʼlum bo‘lishichaa, K.Shuhratov oilali, ikki nafar farzandi bor ekan. Ularga ishlab, pul topib kelishini aytib, uyidan chiqib ketgan.
Sud hukmi bilan firibgar K.Shuhratov 6 yilga ozodlikdan mahrum qilindi
