Dunyodagi eng keksa ayol 117 yoshga to‘ldi
U xotirasi mustahkamligi bilan shifokorlarni hayron qoldirmoqda.
Dunyodagi eng keksa ayol Mariya Branas Morera o‘zining 117 yoshini nishonladi.
Maʼlumotlarga ko‘ra, ayol 1907 yil 4 martda Amerikaning San-Fransisko shahrida tug‘ilgan, ammo sakkiz yoshida Kataloniyaga ko‘chib o‘tgan. Rekordchi so‘nggi 23 yildan beri qariyalar uyida yashaydi.
Mariyaning sog‘lig‘ida hech qanday muammo yo‘q, faqat eshitish qobiliyati zaif va harakatdagi qiyinchiliklardan tashqari. Ayol uzoq umr ko‘rish sirini ochishga harakat qilayotgan tadqiqotchilar tomonidan ilmiy sinovdan o‘tishga rozi bo‘ldi.
Olim Manel Ester u bilan suhbatlashgandan so‘ng uning xotirasi kuchli ekanini, u hatto to‘rt yoshida sodir bo‘lgan voqealarni eslab turishini, keksa odamlarda tez-tez uchraydigan yurak-qon tomir kasalliklariga ega emasligini aytdi.
Esalatib o‘tamiz, Mariya Morera tarixdagi o‘n ikkinchi eng keksa ayol hisoblanadi. U 118 yoshga to‘lsa, beshinchi o‘ringa ko‘tariladi. Ginnesning rekordlar kitobiga ko‘ra, dunyodagi eng keksa odam 122 yil 164 kun yashagan fransuz ayol Jan Kalman edi.
