Eron Ukrainadagi urushga «yomon taʼsir ko‘rsatmoqda»
Buyuk Britaniya mudofaa vaziri Grant Shapps Eron Rossiyaga ballistik raketalar yetkazib berishini qoraladi.
Grant Shapps Eron raketalarining Rossiyaga yetkazib berilishi haqidagi razvedka maʼlumotlarini oshkor qilmadi, biroq bunday maʼlumotlar mavjudligini va Eron dunyodagi har qanday mojarolardan faol foydalanib, olovga moy sepayotganini taʼkidladi. U Eron Rossiyaga ballistik raketalar yetkazib berish orqali nafaqat Yaqin Sharq mintaqasiga, balki Yevropaga ham «yomon taʼsir ko‘rsatayotganini» aytdi, deb yozadi Sky News.
Avvalroq, Eron Rossiyaga Ukraina shaharlariga qarshi rossiyalik qo‘shinlar tomonidan faol qo‘llanilayotgan uchuvchisiz uchoqlardan tashqari bir necha yuz kilometr masofaga uchadigan yuzlab ballistik raketalarni yetkazib berishga tayyorligi xabar qilingandi.
Shu o'rinda, Eron Rossiyaga raketa yetkazib berayotganini rad etadi.
