Bokschilarimiz Olimpiada ostonasida
Ruslan Abdullayev va Lazizbek Mullajonov Olimpiyada o‘yinlari yo‘llanmasini qo‘lga kiritdi.
Italiyada boks bo‘yicha “Parij-2024" Olimpiya o‘yinlariga litsenziya beruvchi musobaqada hamyurtlarimiz Navbahor Hamidova niderlandiyalik Luna Amaro Beyeloogani, Aziza Zokirova ukrainalik Karolina Maxoni, Lazizbek Mullajonov togolik Kevin Kuadjovini, Ruslan Abdullayev kosovolik Shpetim Bajokuni o‘z vazn toifalarida mag‘lub etgan edi. Eʼtiborlisi, Ruslan serbiyalik Aleksey Shendrikni 3:1 hisobida taslim etdi va ushbu yo‘llanmaga ega chiqdi.
Lazizbek Mullojonov esa bu yo‘llanma uchun jangda gruziyalik Georgi Kushitashvilini mag‘lubiyatga uchratdi.
Bugungi janglarni -50 kg. vaznda Sabina Boboqulova boshlab beradi. U soat 17:30 dan so‘ng irlandiyalik Daina Moorehousega qarshi ringga ko‘tariladi. Shundan so‘ng-80 kg. vazn toifasida To‘rabek Habibullayev chorak final yo‘llanmasi uchun fransiyalik Yojerlin Sesar bilan bahs olib boradi.
Shuningdek,vazni -57 kg. bo‘lgan Sitora Turdibekova chorak finalda polshalik Julia Szeremetani sinovdan o‘tkazadi. Shuni taʼkidlab o‘tish lozimki, Sitora ushbu bosqichdan g‘alaba bilan o‘tadigan bo‘lsa, navbatdagi jangi Olimpiada litsenziyasi uchun bo‘ladi. Shuningdek, -71 kg. vaznda Asadxo‘ja Mo‘ydinxo‘jayev kolumbiyalik Alexander Rangel bilan navbatdagi bahsini o‘tkazadi.
