Devid Kemeron Markaziy Osiyoga tashrif rejalashtirmoqda
Bu haqida u parlament muhokamalarida gapirdi.
«Markaziy Osiyo – biz ko‘proq ishlamoqchi bo‘lgan yo‘nalishlardan biri», —dedi Buyuk Britaniya Tashqi ishlar vaziri Devid Kemeron. Avvalroq MO va Buyuk Britaniya o‘rtasida C5+1 formatidagi sammit o‘tkazilishi mumkinligi xabar qilingandi.
«Biz butun dunyo bo‘ylab ittifoq va sheriklik tarmog‘imizni mustahkamlash tarafdorimiz. Markaziy Osiyo – biz ko‘proq ishlamoqchi bo‘lgan yo‘nalishlardan biri. Men u yerga borishni rejalashtirmoqdaman. U yerda biz hamkorlik qilishimiz kerak bo‘lgan sohalarni biladigan barcha bilan davra suhbati o‘tkazaman», dedi Kemeron.
Eslatib o‘tamiz, 2023 yil dekabr oyida Buyuk Britaniya hukumatining Markaziy Osiyo davlatlaridan kelgan hamkasblari bilan 2024 yilda S5+1 formatida sammit o‘tkazishi rejalashtirilgani ma’lum qilingan edi. Britaniya parlamentiga taqdim etilgan hisobotda mualliflar britaniyalik vazirlarning O‘zbekiston, Qozog‘iston, Qirg‘iziston, Tojikiston va Turkmaniston hukumatlari bilan samarasiz hamkorligini tanqid qilgan, shuningdek, mintaqada Rossiya va Xitoyning ta’siriga faolroq qarshi turishga chaqirgan.
