Isroil Bosh vaziri Rafahdagi operatsiyani tasdiqladi
SAXAL Misr bilan chegarada joylashgan shaharga hujum qilmoqchi.
Isroil Bosh vaziri Binyamin Netanyaxu Rafahdagi operatsiya rejasini tasdiqladi.
Maʼlum qilinishicha, Isroil armiyasi G‘azo sektoridagi Misr bilan chegarada joylashgan shaharga hujumga tayyorgarlik ko‘rmoqda va tinch aholini evakuatsiya qilishni rejalashtirmoqda.
G‘arb davlatlari bir milliondan ortiq g‘azolik qochqinlar evakuatsiya qilingan Rafahda quruqlikdagi operatsiya o‘tkazishning oqibatlaridan Isroilni ogohlantirmoqda. Ammo Binyamin Netanyahu Rafahni HAMAS guruhining G‘azo sektoridagi "oxirgi qalʼasi" deb biladi. Shuningdek, u HAMASning olti haftalik o‘t ochishni to‘xtatish haqidagi taklifini "reallikdan yiroq" deb atadi.
AFP xabariga ko‘ra, HAMASning sulh taklifi Isroil qo‘shinlarining G‘azo sektoridan olib chiqib ketilishi va guruh tomonidan garovga olinganlarni ozod qilish evaziga Isroil qamoqxonalaridagi falastinlik mahbuslarni ozod etishni o‘z ichiga olgan.
