Kelin to‘ydan bir kun o‘tib, seplari bilan qochib ketdi
Uning bir necha kishilik jinoiy guruhi bo‘lgan.
Hindistonda kelin to‘ydan keyin kuyovning mol-mulkini o‘g‘irlab, qochib ketdi. Maʼlumotlarga ko‘ra, uning sheriklari bo‘lgan va jinoiy guruh avval ham shunga o‘xshash bir nechta firibgarlikni sodir etgan.
Maxarashtralik 32 yoshli ayol bir yigit bilan uchrashib yurib, u bilan munosabatlarini nikohga olib borgan. To‘ydan oldin u kuyovning oilasidan sep sifatida pul talab qilgan, marosimning ertasiga esa uni olib qochib ketgan.
Oila boshlig‘i bu haqda politsiyaga xabar bergan va firibgar uch nafar sherigi bilan birga qo‘lga olingan. Jinoyatchilar kuyovlar va ularning ota-onalarining ishonchiga kirib, bir necha bor firibgarlik sodir etgani aniqlangan.
