Qo‘shiqchi Teylor Svift ilk marta milliarderlar ro‘yxatiga kirdi
Forbes dunyo bo‘yicha kuchli beshtalikni eʼlon qildi.
Amerikalik qo‘shiqchi Teylor Svift birinchi marta Forbes jurnali tomonidan tuzilgan milliarderlar ro‘yxatiga kirdi. U bilan birga ChatGPT chatbotini yaratuvchisi Sem Altman ham ro‘yxatga kiritildi.
Svift jami 1,1 milliard dollar ishlab topgan, Altmanning boyligi esa 1 milliard dollarni tashkil etadi.
Ro‘yxatda 233 milliard dollar boylik bilan birinchi o‘rinni yana bir bor fransuz biznesmeni Bernard Arno egalladi, u oilasi bilan hashamatli mahsulotlar ishlab chiqaruvchilarni birlashtirgan LVMH xoldingiga egalik qiladi.
Ikkinchi o‘rinni Tesla asoschisi Space X va X ijtimoiy tarmog‘i egasi Ilon Mask (195 milliard dollar), uchinchi o‘rinni Amazon asoschisi Jeff Bezos (194 milliard dollar) egalladi.
To‘rtinchi o‘rinda Meta korporatsiyasi rahbari Mark Sukerberg (177 milliard dollar) kompaniya aksiyalarining o‘sishi hisobiga o‘z boyligini 116 milliard dollarga oshirishga muvaffaq bo‘ldi. Birinchi beshlikni Oracle asoschilaridan biri Larri Ellison (141 milliard dollar) yakunlagan.
Forbes maʼlumotlariga ko‘ra, 2024 yilda dunyodagi milliarderlar soni rekord darajada - 2781 nafarga yetadi. Bu o‘tgan yilga nisbatan 141 taga va avvalgi rekord o‘rnatilgan 2021 yilga nisbatan 26 taga ko‘pdir.
Forbes taʼkidlashicha, dunyo elitasi har qachongidan ham boyroq, ularning umumiy boyligi 14,2 trillion dollarni tashkil qiladi.
O‘tgan yil oxirida 189 kishi, jumladan, Xitoydan 129 kishi ro‘yxatdan chiqib ketgan.
Bundan tashqari, misrlik tadbirkor Muhammad al-Fayed, Italiya sobiq bosh vaziri Silvio Berluskoni, Chili sobiq prezidenti Sebastyan Pinera va qo‘shiqchi Jimmi Baffet kabi yana 32 milliarder vafot etgan.
