Tojikiston Turkiya fuqarolari uchun viza joriy qilmoqchi
Hozirda ushbu masala ko‘rib chiqilmoqda.
Tojikiston tomoni o‘zarolik tamoyiliga muvofiq, respublikaga tashrif buyuradigan turk fuqarolari uchun viza tartibini joriy etish masalasini ko‘rib chiqmoqda. Bu haqda Tojikiston Tashqi ishlar vazirligi rasmiy vakili Shoxin Samadiy maʼlum qildi.
Avvalroq Rajab Toyyib Erdog‘an Turkiyaga umumiy pasport bilan kiruvchi Tojikiston fuqarolari uchun vizasiz rejimni bekor qilgandi, endi ular sayohat qilishdan oldin diplomatik vakolatxonalardan viza olishlari shart. Tegishli farmon rasmiy gazetada eʼlon qilindi.
Samadiyning qayd etishicha, Turkiya diplomatik kanallar orqali bu qaror haqida Tojikistonni xabardor qilgan.
“Tojikiston tomoni o‘zarolik tamoyiliga muvofiq Turkiya fuqarolari uchun viza rejimini joriy etish masalasini ko‘rib chiqmoqda”, — dedi Tojikiston TIV vakili.
