Olimlar laboratoriyada mini-o‘pka o‘stirishdi
Ular bu tajribani davom ettirish niyatida.
AQSHning Manchester universiteti olimlari laboratoriyada odamning mini-o‘pkasini o‘stirishga muvaffaq bo‘lishdi.
O‘pka organellalari ko‘p hujayrali, uch o‘lchovli tuzilmalardir. Ular inson to‘qimalarining asosiy xususiyatlarini, masalan, hujayra murakkabligi va tuzilishini qayta yaratadi.
Ilgari organoidlar turli xil o‘pka kasalliklarini o‘rganish uchun ishlatilgan: koronavirus infeksiyasidan tortib to kistoz va o‘pka saratoni. Biroq, ularning nanomateriallar taʼsiriga bo‘lgan reaksiyalari yaqin vaqtgacha o‘rganilmagan.
Tajriba davomida olimlar organoidni uglerod asosidagi nanomateriallarga taʼsir qilishdi. Bunda ular nafas yo‘llarini qoplaydigan hujayralarning eng tashqi qatlami bo‘lmish o‘pka epiteliyasining javobini kuzatdilar.
Natijalar shuni ko‘rsatdiki, uglerod nanotubalari o‘pkada salbiy taʼsirga olib kelishi mumkin, bu esa doimiy yallig‘lanish va fibrozga (chandiq to‘qimalarining shakllanishi) olib keladi. Kelajakda olimlar organoidlarga immun hujayralar qo‘shish orqali ularni yaxshilash niyatida.
