Britaniya qiroli yangi haftadan o‘z ishiga qaytadi
Uning davolanish davri tugagani xabar qilindi.
Buyuk Britaniya qiroli Charlz III yangi haftadan davlat vazifalarini davom ettirishga kirishadi, deya xabar bermoqda CNN nashri.
Qayd etilishicha, qirolning davolanish va sog‘ayish davri yakunlangan. Endilikda u o‘zining vazifalarini to‘liq ado eta oladi.
Maʼlumot uchun, qirol so‘nggi ikki oy mobaynida saraton kasalligidan davolanayotgan edi. Hozirda muolajalar yaxshi tugab, Charlz III ga ruxsat berilgan.
Qirol iyun oyi boshida Yaponiya imperatori Naruxito va uning rafiqasi Masakoni davlat tashrifi doirasida qabul qilishi rejalashtirilmoqda.
