Jazirama sabab ayrim davlatlar maktablarni yopmoqda
Baʼzi hududlarda harorat 42 darajadan oshyapti.
Bangladesh hukumati jazirama sabab o‘z hududidagi maktab va kollejlarni 27 aprelgacha vaqtincha yopishni buyurdi. Chunki mamlakatning ayrim nuqtalarida havo harorati 42 darajadan oshmoqda.
Bu holat Filippin va Hindistondagi maktablarning vaqtincha yopilishi ortidan davom etmoqda.
Payshanba kuni Markaziy ob-havo maʼmuriyati bir oy davomida to‘rtinchi marta jazirama haqida ogohlantirgan. Maʼlumotlarga ko‘ra, Bangladesh iqlim inqirozi taʼsiriga eng zaif davlatlardan biri hisoblanadi.
Iqlim o‘zgarishi bo‘yicha hukumatlararo komissiyasi taxmin qilishicha, dengiz sathining 30-45 santimetrga ko‘tarilishi 35 milliondan ortiq odamni qirg‘oqbo‘yi tumanlaridan, yaʼni, mamlakat umumiy aholisining chorak qismini o‘z joyidan ko‘chirishi mumkin.
Chorshanba kuni bangladeshlik minglab musulmonlar yomg‘ir uchun duo so‘rab masjidlar va qishloq dalalarida to‘planishdi.
