Toshkentda taekvondo WT bo‘yicha xalqaro o‘quv-mashg‘ulot bo‘lib o‘tmoqda
Unda O‘zbekistonda 21 nafar ishtirokchi qatnashmoqda.
Ayni kunlarda taekvondoWT bo‘yicha O‘zbekiston terma jamoasi poytaxtda tashkil etilayotgan xalqaro o‘quv-mashg‘ulot yig‘inida ishtirok etmoqda. Mazkur yig‘in 16-18 may kunlari Vyetnamda o‘tadigan qitʼa birinchiligiga tayyorgarlik vazifasini o‘tab beradi.
Mashg‘ulotlarda O‘zbekiston, Qozog‘iston, Tojikiston, Saudiya Arabistoni va Tunis terma jamoalari aʼzolari ishtirok etmoqda. 13 mayga qadar davom etadigan yig‘inga hamyurtlarimizdan 12 nafar erkak va 9 nafar ayol sportchi jalb qilingan. Ushbu yig‘in yakuniga ko‘ra, murabbiylar shtabi Osiyo chempionatida ishtirok etadigan asosiy tarkibni maʼlum qiladi.
