Ikkinchi jahon urushi qatnashchilariga 20 mln so‘mdan pul mukofoti beriladi
Bu haqda Prezidentning tegishli farmoni qabul qilindi.
Fashizm ustidan qozonilgan g‘alabaning 79 yilligi munosabati bilan urush qatnashchilari va nogironlarini moddiy rag‘batlantirish to‘g‘risida prezident farmoni qabul qilindi.
O‘zbekistonda 9 may — Xotira va qadrlash kuni umumxalq bayrami sifatida keng nishonlanishi munosabati bilan Ikkinchi jahon urushi qatnashchilari va nogironlarini mukofotlash belgilandi. Bu haqda prezidentning tegishli farmoni qabul qilindi.
Qayd etilishicha, Ikkinchi jahon urushi qatnashchilari va nogironlarining har biriga 20 mln so‘m miqdorida bir martalik pul mukofoti belgilandi. Mazkur Farmonni bajarish bilan bog‘liq bo‘lgan sarf-xarajatlar respublika byudjeti mablag‘lari hisobidan amalga oshiriladi.
