Polshada yirik yong‘in yuz berdi
Uni bartaraf etishga 40 ga yaqin o‘t o‘chiruvchilar jalb qilingan.
Bytom shahrida 13 mayga o‘tar kechasi yong‘in sodir bo‘ldi. Ertalab soat ikkidan keyin mahalliy aholi portlash ovozidan uyg‘ongan. Xususiy transport kompaniyasining yirik parki hududida avtobuslar yonayotgani maʼlum bo‘ldi.
O‘t o‘chirish bo‘limiga soat 02:20 da qo‘ng‘iroq kelib, o‘n daqiqadan so‘ng voqea joyiga qutqaruvchilar yetib borgan. Yong‘inni o‘chirish ertalab soat 7:00 gacha davom etdi, jami 40 ga yaqin o‘t o‘chiruvchi jalb etildi.
Avtoparkdagi 60 ta avtobusdan 10 tasi yonib, yana bir qanchasi qisman shikastlangan. Odamlar orasida qurbonlar yo‘q. Yong‘in sabablari politsiya tomonidan aniqlanmoqda.
