Toshkent viloyatida “Butunjahon salomatlik kuni” nishonlandi
Tadbirda yoga va daraxtlarga mehr ko‘rsatishga qaratilgan mashg‘ulotlar tashkil etildi.
Toshkent viloyatidagi “Green Hills Resort” dam olish maskanida “Global Wellness Day” (“Butunjahon salomatlik kuni”)ning 13 yillik bayrami bo‘lib o‘tdi.
Bu yilgi mavzu - #MagentaNature insoniyat va tabiiy dunyo o‘rtasidagi chuqur bog‘liqlikka, maʼnaviy va jismoniy farovonlikka yaxlit yondashuvni ilgari surishga qaratildi.
Tadbirda yoga va, shuningdek, daraxtlarga mehr ko‘rsatishga qaratilgan mashg‘ulotlar tashkil etildi. Ishtirokchilar toza havo va go‘zal tabiat qo‘ynida sevimli mashg‘ulotlaridan bahramand bo‘lish imkoniga ega bo‘ldilar. Bundan tashqari, ovqatlanishni baholash, Tibet idishi bilan meditatsiya, kattalar va bolalar uchun sog‘lom turmush tarzi bo‘yicha seminarlar, o‘yinlar va eko-viktorinalar ham o‘tkazildi.
Maʼlumot uchun, iyun oyining ikkinchi shanbasida nishonlanadigan “Global Wellness Day” aholining sog‘lom va muvozanatli turmush tarzining ahamiyati haqida xabardorligini oshirishga qaratilgan.
