Koreya Respublikasi Prezidenti Mustaqillik monumenti poyiga gul qo‘ydi
Oliy martabali mehmon majmua bilan yaqindan tanishdi.
Davlat tashrifi bilan mamlakatimizda bo‘lib turgan Koreya Respublikasi Prezidenti Yun Sok Yol rafiqasi hamrohligida “Yangi O‘zbekiston” bog‘iga tashrif buyurib, Mustaqillik monumenti poyiga gul qo‘ydi.
Oliy martabali mehmon majmua me’moriy yechimlari hamda kompozisiyasining mazmun-mohiyati va xususiyatlari bilan tanishdi.
Vatanimizning 3 ming yillik tarixida yuz bergan eng muhim voqealarni, buyuk sarkarda va jahongirlar, alloma va mutafakkirlar, jadid bobolarimizning o‘lmas siymolarini va boshqalarni o‘zida ifoda etgan ushbu majmua Koreya delegatsiyasida katta taassurot qoldirdi.
Ta’kidlash joizki, mamlakatimizga tashrif buyurayotgan mehmonlarning Prezidentimiz Shavkat Mirziyoyev tashabbuslari bilan bunyod etilgan mazkur muhtasham majmua bilan tanishuvi an’anaga aylangan.
