Putin Ukrainada urushni tugatish shartini aytdi
Kiyev esa buni rad etmoqda.
Rossiya prezidentining taʼkidlashicha, Kiyev o‘z qo‘shinlarini Donesk, Lugansk, Xerson va Zaporoje hududlaridan butunlay olib chiqib ketishi, shuningdek, NATOga qo‘shilish rejalaridan butunlay voz kechishi haqida eʼlon qilishi kerak. Shunda Rossiya Ukrainada o‘t ochishni to‘xtatib, muzokaralar boshlashi mumkin.
Ammo Kiyev Putinning “tinchlik taklifini” rad etdi. Ukraina prezidenti devoni rahbari maslahatchisi Podolyak Rossiya prezidentining mojaroni hal qilish bo‘yicha yangi tashabbusida “haqiqiy tinchlikka erishish taklifi yo‘qligini” maʼlum qildi.
“Putinda hech qanday tinchlik taklifi va urushni tugatish istagi yo‘q”, — deya taʼkidladi Podolyak.
