Shimoliy Koreya va Janubiy Koreya chegarasida devor qurilmoqda
Tashabbus Pxenyan tomonidan chiqqan.
Shimoliy Koreya harbiylari Janubiy Koreya bilan chegaradagi demilitarizatsiya zonasida devorlar qurishni boshladi. Bu haqda Yonhap agentligi xabar bermoqda.
Hozirda Shimoliy chegara chizig‘i va Harbiy demarkatsiya chizig‘i o‘rtasidagi ayrim hududlarda qurilish ishlari olib borilmoqda. Biroq materialda demilitarizatsiya zonasining qaysi hududlari haqida gap ketayotgani nomaʼlum.
“So‘nggi paytlarda Shimoliy Koreya harbiylari devor qurish, qazish va yo‘llar yotqizish bilan shug‘ullanmoqda”, — deyiladi xabarda.
