NATO bosh kotibi G‘arbni Rossiya — KXDR kelishuvi haqidagi xabarlar fonida birlashishga chaqirdi
Yens Stoltenbergning so‘zlariga ko‘ra, Rossiya Federatsiyasi va Shimoliy Koreya o‘rtasidagi harbiy ittifoq avtoritar kuchlarning tobora yaqinlashayotganini ko‘rsatadi va demokratik davlatlarning birlashgan frontini shakllantirish muhimligini anglatadi.
"Biz avtoritar kuchlar bir-biriga yaqinlashayotganini tushunishimiz kerak. Ular bir-birini o‘ta kuchli tarzda qo‘llab-quvvatlamoqda. Shimoliy Koreya Rossiyaga katta miqdorda o‘q-dorilar yetkazib berdi, Xitoy va Eron esa Moskvaga harbiy yordam ko‘rsatmoqda. Rossiya Federatsiyasi va boshqa avtoritar davlatlar o‘rtasidagi yaqinlik o‘sib borayotgani NATOning Osiyo-Tinch okeani mintaqasidagi ittifoqchilari bilan hamkorlik qilishning ahamiyatini yana-da oshiradi", — deya munosabat bildirdi NATO bosh kotibi.
Uning taʼkidlashicha, iyul oyida Vashingtonda o‘tkaziladigan NATO sammitiga Avstraliya, Yaponiya, Yangi Zelandiya va Janubiy Koreya hukumat rahbarlari yuqoridagi sabablarga ko‘ra taklif qilingan.
