Farg‘onada qarzdorning Tracker‘i xatlanib, auksionda sotildi
Uning bankdan kredit qarzdorligi bo‘lgan.
Maʼlum bo‘lishicha fuqarolik ishlari bo‘yicha Marg‘ilon tumanlararo sudining qarzdor T.D.dan bank foydasiga kredit qarzini undirish, undiruvni Tracker‘ga qaratish to‘g‘risidagi ijro hujjati chiqarilgan.
Qarzdor ijro hujjatida ko‘rsatilgan qarzdorlikni 15 kunlik ixtiyoriy muddatda bartaraf qilishi to‘g‘risida ogohlantirilishiga qaramasdan, qarzdorlikni to‘lashdan bo‘yin tovlagani sababli garov mulki hisoblangan avtotransport vositasiga nisbatan qidiruv eʼlon qilingan.
Olib borilgan tezkor qidiruv ishlar natijasida mashina topilib, davlat ijrochilari tomonidan xatlangan va kimoshdi savdolariga chiqarilgan. Bo‘lib o‘tgan auksion savdolariga ko‘ra mazkur avtotransport vositasi 203 300 000 so‘mga sotib olinib, g‘oliblik bayonnomasiga asosan fuqaro X.D.ga topshirilgan.
Shuningdek, kimoshdi savdolaridan tushgan pul mablag‘lari undiruvchi bank hisobraqamlariga o‘tkazib berilishi taʼminlangan.
