Sirdaryoda yo‘lovchi avtobus avariyaga uchradi
Unda 14 nafar yo‘lovchi bo‘lgan.

Sirdaryo viloyatida yuk avtomobili va avtobus ishtirokida yo‘l transport hodisasi sodir bo‘ldi. Bu haqda viloyat IIB xabar qildi.
Hodisa 28 iyun kuni soat 12:30 larda Sirdaryo tumani Ziyokor MFY hududidan o‘tuvchi yo‘lda yuz bergan. Termiz-Toshkent yo‘nalishida Isuzu rusumli yuk avtomobili yo‘lning o‘ng tomon qismida yo‘lovchilarni tushirish uchun to‘xtab turgan Isuzu rusumli yo‘lovchi tashuvchi avtobusni orqa qismidan urib yuborgan.
Oqibatda Isuzu rusumli yo‘lovchi tashuvchi avtobus salonida bo‘lgan 1 nafar yo‘lovchi jarohat olib, tuman tibbiyot birlashmasiga murojaat qilgan.
Hozirda Sirdaryo tumani IIB xodimlari tomonidan tergov harakatlari olib borilmoqda.







