“Hozirda laboratoriya tekshiruvlari olib borilmoqda”
Afg‘onistondan keltirilgan ichimlikda zaharli modda aniqlanganiga izoh berildi.
Ijtimoiy tarmoqda Afg‘onistonda ishlab chiqarilgan anor taʼmli ichimlik tarkibida zaharli modda aniqlangani va shu sababli uning sotuvi Qirg‘izistonda taqiqlangani haqida xabar tarqaldi. Holat yuzasidan Sanepidqo‘mita rasmiy munosabat bildirdi.
Qayd etilishicha, ushbu mahsulot O‘zbekiston Respublikasiga ham olib kirilgan. Har bir partiyalar tegishli laboratoriya tekshiruvlaridan o‘tkazilib, mahsulot partiyasiga sanitariya-epidemiologik xulosalar berilgan.
Keltirilgan mahsulotlar tarkibida zaharli yoki inson salomatligi zarar keltiruvchi moddalar aniqlanmagan.
Hozirda Afg‘oniston Respublikasida ishlab chiqarilgan anor taʼmli mahsulotlardan qayta namunalar olinib, nazorat tartibida laboratoriya tekshiruvlari olib borilmoqda.
“Bugungi kunga qadar aholi tomonidan aynan ushbu mahsulotning sifatsizligi va isteʼmol qilish oqibatida zaharlanganligi to‘g‘risida murojaat kelib tushmagan”, deyiladi munosabatda.
