Andijonlik fuqaro kreditga Equinox olib, boshqa odamga sotib yubordi
Hozirda holat yuzasidan jinoiy ish ochilgan.
O‘tkazilgan tergovga qadar tekshiruvda fuqaro S.K. hududiy tijorat banki filialidan ajratilgan kredit evaziga sotib olingan “Chevrolet Equinox” rusumli avtomashinani garovga qo‘ymasdan fuqaro J.Q.ga 38 500 AQSH dollariga sotib yuborib, bank manfaatlariga 378 mln so‘m zarar yetkazganligi aniqlangan.
Shuningdek, departamentning Qo‘qon shahar bo‘limi tomonidan o‘tkazilgan tergovga qadar tekshiruvda fuqaro X.A. va boshqalar fuqaro Sh.Yu.ning ishonchiga kirib, uning nomiga tijorat banki Qo‘qon filialidan avtokredit ajratilishiga erishib, ushbu kredit evaziga sotib olingan “Chevrolet Equinox” rusumli avtomashinani boshqa shaxslarga naqd pulga sotib yuborib, 326,7 mln so‘mni firibgarlik yo‘li bilan qo‘lga kiritganliklari aniqlangan.
Mazkur holatlar yuzasidan Jinoyat kodeksining 168-moddasi (firibgarlik) bilan jinoyat ishlari qo‘zg‘atilib, tergov harakatlari o‘tkazilmoqda.
