Toshkentda ko‘p qavatli uylar yaqinida yong‘in sodir bo‘ldi
Hodisa oqibatida tan jarohati olgan va halok bo‘lganlar yo‘q.
Ma’lum bo‘lishicha, bugun, 11-iyul kuni soat 11:52 da Toshkent shahar, Yangihayot tumani, "Olchazor" mahallasi 10-hududda ochiq maydonda quruq o‘t yonayotganligi to‘g‘risida Toshkent shahar FVBga xabar tushgan.
Shunga ko‘ra, yong‘in-qutqaruv ekipajlari soat 11:59 da voqea joyiga yetib borib, yong‘in soat 14:15 da o‘chirilgan. Sodir bo‘lgan yong‘in natijasida ochiq maydonda quruq o‘t yongan.
Yong‘in sababi va moddiy zarar miqdori aniqlanmoqda. Hodisa oqibatida tan jarohati olgan va halok bo‘lganlar yo‘q.
