Toshkentda ayrim ko‘chalar yopilmoqda
Fuqarolarga aylanma yo‘llardan foydalanish tavsiya qilindi.
Ertaga,15 iyul kuni soat 00:00 dan boshlab poytaxtning Mirzo Ulug‘bek tumanidagi bir qator ko‘chalarda qurilish taʼmirlash ishlari olib borilishi sababli transport vositalarining harakati cheklanadi.
Ular quyidagilar:
— Temur Malik-Bog‘ishamol ko‘chalari chorrahasidan Temur Malik ko‘chasi bo‘ylab, Temur Malik-Sultoniya ko‘chalari chorrahasigacha.
— Temur Malik-Buyuk Ipak yo‘li ko‘chalari chorrahasidan Buyuk Ipak yo‘li ko‘chasi bo‘ylab, Buyuk Ipak yo‘li-Shukur Burxonov ko‘chalari chorrahasigacha.
“Fuqarolardan aylanma yo‘llardan foydalanishlarini so‘rab qolamiz”, deyiladi rasmiy xabarda.
