Samarqandda Nexia-3 avariyaga uchrab, ag‘darilib ketdi
Hodisaga haydovchi rulda uxlab qolgani sabab bo‘lgan.
Samarqand viloyatining Nurobod tumanida Nexia-3 mashinasi YTHga uchradi.
Maʼlum qilinishicha, 20 iyul kuni soat 06:00 atrofida Ingichka-Kattaqo‘rg‘on yo‘nalishida ketayotgan Nexia-3 haydovchisi rulda uxlab qolgan va boshqaruvni yo‘qotgan. Natijada mashina yo‘lning o‘ng tomon chetiga chiqib ketib, bir necha marta ag‘darilgan.
Haydovchi va old o‘rindiqda bo‘lgan shaxs shifoxonaga yotqizilgan. Biroq ko‘rsatilgan muolajalarga qaramasdan yo‘lovchi shifoxonada vafot etgan.
Hodisa yuzasidan tergovga qadar tekshiruv ishlari olib borilmoqda.
