Olimpiya o'yinlarining eng nomdor sportchilari
Ular bir necha bor chempionlikni qo'lga kiritishgan.
Parijda XXXIII yozgi Olimpiya o'yinlari davom etmoqda. 1896-yilgi birinchi o'yinlardan beri ko'plab sportchilar Olimpiya chempioniga aylanishdi. Biroq, ular orasida bir necha bor g'oliblikni qo'lga kiritgan atletlar bor.
Karl Lyuis (yengil atletika)
Amerikalik to'qqiz marta Olimpiya chempioni bo'lgan: sprint masofasiga besh marta va uzunlikka sakrashda uch marta. Lyuis 1984-yildan 1996-yilgacha bo'lgan o'yinlarda g'olib chiqqan.
Mark Spits (suzish)
Amerikalik sportchi Olimpiya o'yinlarida to'qqizta oltin medalni qo'lga kiritgan: ikkita batterflyay va yettita erkin usulda. Spits 1968 va 1972-yilgi Olimpiya o'yinlarida shohsupaga ko'tarilgan.
Paavo Nurmi (yengil atletika)
Finlandiyalik o'rta va uzoq masofaga yuguruvchi Nurmi Olimpiadada to'qqizta oltin medal sohiga aylangan. U 1920, 1924 va 1928-yillarda chempion bo'lgan.
Larisa Latinina (gimnastika)
Gimnastikachi O'yinlar tarixidagi eng unvondor sportchilardan biri hisoblanadi. Latinina 1956, 1960 va 1964-yillarda Olimpiada o'yinlarida to'qqizta oltin medalni qo'lga kiritgan.
Maykl Felps (suzish)
Amerikalik sportchi Olimpiya o'yinlarida rekord darajadagi 23 ta oltin medalga sazovor bo'lgan. Felps 2004, 2008, 2012 va 2016-yillarda o‘yinlarda g‘olib chiqqan.
