Toshkent viloyatida elektroskuterlar ishlab chiqariladi
Shu orqali 50 ta ish o‘rni yaratish rejalashtirilgan.
Toshkent viloyati Yangiyo‘l tumanida Xitoyning "Ecomoto" xorijiy korxonasi tomonidan skuter ishlab chiqarish tashkil etilmoqda. Bu haqida Toshkent viloyati hokimligi xabar berdi.
Yangiyo‘l tumani hokimi O.Ataullayev investorlar bilan uchrashib, "Ecomoto" korxonasi bilan memorandum imzoladi. Ushbu loyiha qiymatida to‘g‘ridan-to‘g‘ri 10,0 mln dollar xorijiy investisiyani kiritish hamda 50 ta doimiy ish o‘rnini yaratish rejalashtirilgan.
Mazkur loyihada ko‘rsatilgan zamonaviy va raqobatbardosh elektroskuterlar 2025-yilning 2-choragidan boshlab Yangiyo‘l tumanida ishlab chiqarila boshlaydi.
