Toshkentda talabalarni turar joy bilan ta’minlash markazi tashkil etiladi
Talabalardan yotoqxonaga joylashish bo‘yicha yagona interaktiv davlat xizmatlari portali orqali arizalar qabul qilinadi.
Toshkent shahri bo‘yicha 29 ta davlat oliy ta’lim muassasalarida talabalarni turar joy bilan ta’minlash bo‘yicha 60 ta markaz (shtab) tashkil etilishi rejalashtirilgan.
Qayd etilishicha, tashkil etiladigan markazlarda 200 nafardan ortiq ko‘ngilli lider yoshlardan iborat volontyor va tyutorlar talabalarni yotoqxona va ijara xonadonlariga joylashishiga ko‘mak beradi.
Talabalikka tavsiya etilganlar to‘g‘risidagi ma’lumotlar "Talabalar turar joyi axborot tizimi"ga yuklandi va talabalardan yotoqxonaga joylashish bo‘yicha yagona interaktiv davlat xizmatlari portali (my.gov.uz) orqali arizalar qabul qilinadi.
Shuningdek, xususiy xonadonlarga joylashtiriladigan talabalar bilan tuziladigan turar joy ijara shartnomalari davlat soliq xizmati organlarida soliq to‘lovchining shaxsiy kabineti orqali masofadan turib biometrik identifikatsiyalash (Face-ID) texnologiyasi orqali elektron shaklda real vaqt rejimida hisobga qo‘yiladi.
